走出戲院問左朋友幾個問題：
1. 點解果班第五次元空間既「他們」主角所稱之為將來的人類，會預測到主角Cooper會自我犧牲走入黑洞，又一早選擇左佢？仲要又預知埋主角係無選擇到去Edmund 果個星球先喎，因為如果一早揀左去Edmund 果個星球就真係地球有救啦，應該會大伙先留底左係果度撘個基地，因為Edmund果個星球係最適合人類居住既（女主角Brand係果個星球唔洗再戴住氧氣筒架）如果一早揀中左，就唔會有機會經過黑洞，就唔會有穿越時空呢樣野，又即係唔會有戲做啦。但係果班「他們」又點預知呢？
2. 承繼第一條問題，好，當「他們」因為早已經穿越時空，只係如主角Cooper所說，佢地無辦法可以準確地停住係一個時空，又或者排序一個時空，所以 randomly 揀左 Cooper 既家人做呢件偉大工程，但點解佢地又可以係黑洞入面固定左係 Cooper 既過去？但老實說我幾喜歡呢種同一場景，但唔同空間同時存在，你見我唔到，我見你唔到呢個概念。因為肉眼所看見的實在很有限。呢一招其實係另一套恐怖片 "Insidious" 有用過，果陣我已經覺得幾可信同埋毛管桐...
3. 仲有 Cooper 究竟sent 左一個咩 message 俾佢個女，令佢個女一諗就諗通左個宇宙大奧秘，可以寫到一條 formula 出黎救左整個人地球上既人類，又可以令地球上既人有足夠能力，時間去到銀河系另一星體移民呢？又有可能Cooper 根本上無sent 咩特別 message 俾佢個女知，但只係讓佢個女知，佢明明身處黑洞，卻能穿越時間空間去同佢個女溝通，就正正因為呢個concept of space and time 打通左佢個女既任督二脈，但佢個女點樣諗到個救救地球大計架呢？而呢個大計點解可以係短過90年（主角變左124歲，佢上太空果陣大約30幾歲啦）成功係外太空 built up 左咁多個地球殖民地呢？只係90年，單憑一個女子諗通左一個 forumla, 人類可以發展到咁既地步？有埋果D technology?
4. 當Cooper 係黑洞入面去send message 俾過去既自己時，我明佢用地心吸力 gravity去令D沙變左一堆二元數字 (0,1) binary numbers，俾佢同佢個女發現 NASA個基地，但一來佢點可以控制到另一時空既 gravity呢? 因為佢地有magnetic field influence? 二來一堆 binary numbers 可以有十萬個interpretation, 點解一定係一個 coordinate 呢？咁你又可以講，主角自己同自己溝通，佢有自己一套思維，自己明就得啦。「哦」
5. 另外就係，點解佢穿越到時間空間，但係 alter 到果邊既物質架呢？大力D就可以推跌D書！咁得人驚？難道有 electromagnetic force? 不過我未入過黑洞，人類都未試過由黑洞出返黎，你講咩都得既。
6. 果班第五次元空間既「他們」既然可以穿越原子／分子，物質，感知(three dimensions)，時間，空間 （呢5個次元）所謂astrophysics，我估果陣既人既存在，好有可能只係一個意識，而沒有實體既存在，就好似 Transcendence 或者Lucy咁，已經transcent 左，難道佢地無辦法可以直接send 個message 俾地球上既 Cooper or 佢個女 Murph?又或者點解「他們」唔揀一個更早既時空去救更多人？
如果套戲D資料係真既，咁我學到原來黑洞入面並唔係無時間既存在，因為細細個聽，以為黑洞吸力太大，會完全咩都吸晒，包括光同埋時間。原來黑洞入面都有時間既運行，仲要係 linear, 而且可以係排晒序，同一個空間，只係D 時間行得同平時有D唔同（又唔係特別慢，因為主角見到往事發生既時間無變，都係咁既速度，同埋可以好整齊地一次過俾幾廿個時空你都得。但當然你又可以話個時空係拉長左架，又係因為 relativism 所以以為D野發生得快，其實好慢....你又可以話係拍攝技巧，係為左令觀眾更易明，更投入添.... :P
自問我不太了解深奧的科學，睇Stephen Hawking 既 The History of Time, 睇到 chapter 2已經完全唔明，無睇落去，但對於相對論 Relativism，黑洞 Gargantuan，蟲洞 Wormhole 都有興趣，就算我無咩呢D基礎知識既人入去戲院睇，都會覺得明而唔係好複習，真係深入淺出，同埋都唔覺有成169分鐘咁長，而係好 enjoy. 畫面又靚，idea 又尖端，真係一套好戲。越黎越欣賞 Christopher Nolan. 佢拍D戲真係有一手。
當然有咁多不解之迷，亦可以將佢地從宗教既角度去分釋啦。主角以為個「他們」係人類進化至第五次元，但其實都可以解作果個第五次元生物係 神，基本上係 神既旨意，命定Cooper 去救人類，同時係 神開啓果個蟲洞，讓人可以搵到另一個銀河系，另一埋星球去俾人移民，因為太多野需要有外力既幫助，一切都係命定。浩瀚宇宙中，人類既渺小充份地表現出來，你睇果個 Matt Damon 奸角，明明好似順利可以逃之夭夭，卻係因為一個小小既machanical default就死左。而Edmund仲慘，就算去岩左一個星球，但因為時間同無被選擇，就死係一個無人知既星球，甚至當 Cooper 跌入黑洞，架機炸左，我有一刻好驚，好驚佢就係咁一個人係一個不知明既時間空間飄浮，無人見到，無人知，茫茫宇宙中等果一刻氧氣筒無氧氣，好辛苦咁死。真係好得人驚架。同埋個地球就快玩完，呢樣野又係好真，令我好擔心下一代，下一代既下一代。奇妙既係一個書架原來係星際之迷，所有野都蘊藏左係個書架度。果然同Narnia 有得輝！
睇左套戲幾日都仲有好多野諗，好值得睇多一次。哈哈！下套期待之作 Exodus: Kings and Gods。
